點解想長命Ｄ

因為我懶，做事沒什麼幹勁，有時做下散工，自由得很，多虧自己修讀過經濟，還是會尋求「最低成本最高回報」。咳咳，在我實行只係「較低成本合理回報」而矣

喜歡收藏紙幣，因為用來消耗時間最好效益，同時認為係較低成本的興趣，又保值，好過D消耗品。(多謝經濟miss，畢業後只有這科沒有還給學校)

我有另一網誌，賺埋D冇汗錢
你地一望都知我係咩人。

學生時，連打機都沒什麼幹勁，就唔會去買ＰＳ咩ＮＤＳ咩的野，對要求不高，就唔會買高價鞋呀衫呀，自然又會對舊衣物耐受性高，變成：

與同齡同性的人比較下
支出較低，同時折舊年期較長
收入正常(零用錢?  因為懶到唔打算兼職所以唔會高於平均)
漸漸留存現金年年上升，之後變哂用黎收藏紙幣(對要求不高的我卻只玩直版補版)

因為直版補版紙幣，2013-2014年急升，賺逾100-200%，果陣套現左75%出黎，D錢用黎買下D股票收下息，就是懶得全力工作賺錢。

因工作量不足，主動收入同人比自然低於平均值，懶得出街的我終於諗到！！！

你地做得咁辛苦，縮短條命換取金錢。你地搵錢一定快過我，那麼我就盡力拉長自己條命，只以輕量工作以維持基本所需（家用、保險、食物、收息等）。

如果我條命比平均長15%，而你比平均短左5%，則：(假設壽命為y=85)

(1.15y)-(0.95y)
=97.75-80.75
=17

比你長了17年？
而呢17年用來收息再投資再收息，到底會否比你賺更多？

你地搵錢一定快過我係事實，但假如人的終點用壽命計算會如何，我知道我輸在起跑線，但我不見得連終點都輸埋。




係食果方面，我食得比你地較少卻更健康，每日都食唔到2000卡。
每日一定食爆３０克膳食纖維的量，
每星期各食3.5個蘋果奇異果，其他生果都食(有特價的話)
堅果日日幾十克
乾果日日又幾十克
喜歡飲茶，真係消磨時間好選擇，喜歡壽眉水仙鐵觀音。
所有生果連皮食(例如蘋果奇異果香蕉，懶得去皮?不不，我會洗很久才食皮)
同時不主動做運動，降低心跳速率，減低代謝率，總之拖慢呢部機器的運作速度。
心情冇咩起伏，冇人可以激到我中風，
水一定飲到足，連益生菌都日日食。

拿，我手中持有一大堆收息股，一味等！！！年年收息，你地不要詛咒我股票損手，我都有不少資產與香港經濟相關，佢地唔掂大家都唔會好。

我期望：
較低成本 -  食少D，食好D，使少D，得閒就開下工，閒來找找超市特價品，
合理回報 -  健康D，可能長命Ｄ連帶「財壽兼得」，收息賺埋D冇汗錢，生活冇咩壓力